Kijan pou fe tranzaksyon ak Kat MonaPay ou a ?

Kijan Pou Fè Tranzaksyon sou Kat Visa oswa Mastercard MonaPay Ou

Chè Kliyan,
Nou remèsye w dèske w ap itilize MonaPay. Nou vle ede w konprann kijan pou w fè tranzaksyon avèk kat Visa oswa Mastercard MonaPay ou san pwoblèm. Men etap enpòtan pou swiv pou asire tout tranzaksyon ou yo pase avèk siksè.

1. Verifye Fon Disponib sou Kat la

Premye bagay pou w fè se asire w gen ase lajan sou kat la pou acha oswa peman w ap eseye fè a.
Si balans lan pa sifi, tranzaksyon an ap rejte otomatikman.
Ou ka tcheke balans ou dirèkteman nan aplikasyon mobil MonaPay la.

2. Otorize Chak Tranzaksyon

Aprè ou fin fè yon depo sou kat MonaPay ou, li enpòtan pou w otorize tranzaksyon an avan ou itilize kat la.
Kijan pou otorize:

• Ale sou kat ou a nan aplikasyon an
• Klike sou bouton “Authorization” ki anba kat la
• Mete montan egzak ou pral achte oswa peye a
• Konfime ak PIN ou

Durée otorizasyon an:

• Otorizasyon an valab pou 10 minit sèlman
• Si ou pa itilize lajan an nan tan sa a, sistèm nan ap retire li sou balans otorizasyon an epi retounen li nan balans prensipal ou

Enpòtan:
Ou dwe mete menm kantite lajan egzak ou pral itilize a nan balans otorizasyon an.

3. Frè Tranzaksyon yo

Chak tranzaksyon sou kat MonaPay ou gen frè sa yo:

• 1.00 USD (frè fiks)
• + 1% nan montan tranzaksyon an

Egzanp:

• Acha 3 USD → 1.00 USD + 0.03 USD = 4.03 USD total
• Acha 10 USD → 1.00 USD + 0.10 USD = 11.10 USD total

Tanpri toujou pran frè sa yo an konsiderasyon lè w ap otorize montan an.

4. Limit Tranzaksyon pou Nouvo Kat

Pou rezon sekirite, nouvo kat MonaPay yo gen kèk limit tanporè:

• Premye 7 jou yo:

Limit la se 25 USD pa jou

• Aprè 7 jou yo:

Limit la ap monte otomatikman a 200 USD pa jou, si ou te depanse omwen 60 USD pandan premye semèn nan

• Aprè ou fin depanse 500 USD total:

Limit restriksyon an ap retire nèt
Ou ka otorize jiska 1000 USD
Nòt:
Limit 25 USD la se yon mezi sekirite pou asire ou familyarize w byen ak itilizasyon kat la.

5. Pwoblèm Komen ak Solisyon yo

Tranzaksyon rejte?

• Verifye si w gen ase lajan
• Asire w ou fè otorizasyon an kòrèkteman

Frè a pi wo pase sa w te atann?

• Sonje gen 1.00 USD frè fiks + 1% frè sou montan an

Ou pa resevwa kòd konfimasyon?

• Verifye koneksyon entènèt ou
• Oswa kontakte sèvis kliyan MonaPay

Si w kontinye rankontre difikilte, tanpri kontakte sèvis kliyan MonaPay. Ekip nou an toujou la pou ede w.
Mèsi pou konfyans ou nan MonaPay.
Sensèman,
Ekip MonaPay

Updated on: 02/03/2026